JACINTO BENAVENTEN ETXEBIZITZA
Etxe honek berrikuntza bat behar zuen. Jabeek gotelé-a hormetatik kendu nahi zuten, zoruak eta ateak aldatu, sukaldea berriztu, logelak eta bi komun egin. Eta horrela egin dugu!
Zoru berri bat, erresistenteagoa eta argitsuagoa jarri dugu. Hormak lisotu ditugu gotelé-a kentzeko, apartamentu eta etxeak berritzeko lanetan gehien eskatzen den lanetako bat. Horien gainean, kolorea askoz homogeneoagoa da, gotelean gertatzen diren argiak eta itzalak ez direlako agertzen. Ateak zuriz lakatu ditugu eta horietako batzuk ate irisgarriengatik aldatu ditugu, leku gehiago irabazi eta gelari zabaltasun handiagoa emateko.
Geletan, neurrira egindako armairuak diseinatu eta fabrikatu ditugu. Etxe osoko gortinenaz ere arduratu gara. Gortinak egiteko oihala gure estudioan dago salgai eta Gasteizko tailer txiki batek egiten ditu.
Bi logeletako oheburuko hormak, paperekin dekoratu ditugu. Oheburu fisikorik ezean, paperaekin ordezkatu ditugu. Oheak artikulatuak dira eta gure estudioan ere salgai ditugu.
Logeletako kajoiak Jotajotape etxekoak dira, altzari modularrak dira eta zeinetan zabalera, edo kajoi kopurua aukeratu daiteke.
Baina eraberritze honen benetako protagonista geletako batean gehitu dugun komuna da.
Aurretik komun luze eta estu bat zegoen konketa batekin eta korridoretik sarrera zuena. Ia ez zen erabiltzen, bere neurriengatik oso deserosoa baitzen.
Bi logelen banaketa aldatuta, komunean metro karratu bat gehiago irabaztea lortu dugu. Horrela, bainugela osoa lortu dugu, dutxa-hontzi zabal batekin eta profil arinak dituen dutxa-itxitura batekin.
Orain komuneko sarrera logelatik egiten da.
Zisterna-komun integratuak eta esekiak, bainugela estuaren dekorazioari arintasun handiagoa ematen laguntzen digu. Maderó altzariekin gauza bera gertatzen da, esekitako altzariak aukeratuz eta zorua garbi utziz, garbiketa ere errazten dugu, beraz, dena abantailak dira.
Berrikuntzaren beste puntu interesgarri bat sukaldea izan da, Harizki sukalde dendarekin batera landu duguna. Diseinu sotil eta atsegina duen espazioa lortu dugu.
Egurra akaberarekin, altzari zuriekin eta etxetresna beltzekin apaindutako sukalde atsegin eta dotorea da. Tonu argian landu dugun portzelanazko gainazala jarri dugu eta leihotik eta terrazaratik sartzen den argi naturala, argitasun sentsazioa areagotzen du.
Sukaldeko mahaia erabili ondoren, horman itsatsi daitekeen mahai tolesgarria, xixilu motakoa, diseinatu dugu estudioan. Sukalde estu baterako irtenbide oso praktikoa da. Aulkiak, Stua etxearen klasiko bat dira, Globus aulkia da. Bere siluetak Globus aulkia ikono bihurtzen du. Aulki fresko eta arina.
Eraberritze proiektu honetan, argiztapena ere funtsezko beste puntu bat izan da. Argi mota desberdinak argiztapen mota ezberdinen arabera: orokorra, puntuala eta girokoa edo apaingarria. Argi orokorrari dagokionez, sabai faltsuetan txertatutako argiak aukeratu ditugu, goi mailako argiztapen mota bat eskaintzen digutenak: homogeneoak eta itzalik gabekoak. Argiztapen espezifikorako LEDak erabili ditugu sukaldeko altzarietan. Mota honetako argiztapena lan-eremuetan edo argi gehiago behar duten guneetan erabiltzen dugu
Emaitza: etxebizitza argitsu, zabal eta atsegin bat.
